laulijaa laulu
en, en küllä muuda mnä tahoqi
kui laulaa, laulaa, niinq’ laulaa,
kui laulud helküväd rinnassa(ni)
niinq' pürqiväd pitkii kaulaa.
midä võin tehä selle, kui maa-ilma
vade mulle se virsuina helkäb,
kui rõõmud on rütmeinä inimisill
ja hädäd on helinää pelkää.
ja midä mnä võin, kui eloni on
mulle suuri ja säqärä laulu,
sinne sain minä loojalda lõnqani
ja käsketi punoda paulu!
lauluu punon mnä kätküstä haudas-saat,
mnä punon ja purustan jälle,
kuni's lauluni koolema katkestab
ja veen senee varutajallee.
kee veeb õmii õiqeida õtsussi,
kee piitsaksa punob pauluj,
kenee pihoss’ on peenidä puruja vaid,
kenee kä'ess on sanqari-laulu.
ehk õlqoo vai nuttu vai nauretava
vai meehee mõteidee jüvä,
laulud kõiki joo loojalle kõlbaavad,
kui laulu on muidu hüvä.
ei hooli tä senest, kui kussaqi
ei ühtünüd tahto ja nõuvu,
ku tahtosi õli vaide õiqeja
ja ansi aimuu vai jõuvuu.
niinq’ kurjaa ei tee, kui kombastid
sinä kõrraa riimiee kivii -
ku lõpud sä õiqeste kõlamaa leid,
edqä eksünüd rivistä rivii.
oi, avita loojani kaikumaa,
muu lauluuni lõpu hüvii!
oi, avita ühessä hõilumaa
muu lauluuni latva ja tüvi!
me laulamma kätküstä haudas-saat.
kuinq’ kauva, me teeä emmä.
paremb õles küll sõnuja sovitaa
niqu õleses ne viimeisemmä.
hüvä on kussa iqänes' katkii jääb,
küllä laulu on iqee laulu -
aqa laulija õmmete õiqejaks puuksa
puno ühteje hengeesi paulu!
No comments:
Post a Comment